مديرة وكالة بالقرض الفلاحي كتبيع وتشري فشهادات بنكية مزورة وعندها سماسرة من بينهم الزوج ديالها … كتبيعهم بين مليون ونص حتال ثلاث ملايين سنتيم للشهادة الواحدة، و كتضرب على الاقل جوج فالنهار. مديرة وكالة فبنك، بانية فيلا تطل على شارع من اخر مايكون، والبنك ممولها بقرض القيمة ديالو يالاه تخلص ليها البقعة ودور عليها سور، وغارقة كريديات، وعندها بارطما حدا لا كلينيك، و رصيد بنكي تظن انه خارج الرادارات فالبنك الشعبي فاسم عمتها لي مكتكساب مكترزاق، زعما لا من شاف ولا من دري، وهازا عائلة قد لخلا، واشمنك يا تموين واش منك يا حفلات كل سبت واش منك يا بذخ.... الموضوع كبير و فيه فلوس كثيرة، و حرمان اصحاب الاستحقاق، تفرجوا و عيطو على لي يتفرج معاكم... فهاذ المواضيع، كنفضل اسلوب التشويق، لي تسالوني هو نعطيكم كلشي ان شاء الله، صور و اسماء المتورطين و تفاصيل الارقام و العلاقات بيناتهم، و وعد الحر دين عليه. سير على بركة الله...